السلام عليكم
من زمان عن المدونه :( معليش انشغلت حيل عنها
وجبت موضوع المفروض متكلمه عنه من اول
اول شي كلنا نعرف ارواج لايم كرايم والصجه اللي سوتها
وبما ان التاجرات ضاربين ضربتهم بالاسعار ، قررت
اطلب منهم شي بسيط ك تجربه : /
اول شي سجلت بالموقع وطلبت عادي مثل اي موقع
وعبينا البيانات وكذا
المنتج:
روجين
FADED
CASHMERE
القيمة:
 |
روجين سعر كل واحد ٢٠ دولار يعني يعادل تقريبا ٧٢ ريال قطري
ومع الشحن اخذو بس ١٠ دولار شحن دولي والدفع كان عن طريق paypal
وهالشي طمني شوي
.
مدة التوصيل :
تم الطلب بتاريخ 7/7/2015
وصلت بعد 3 شهور تقريباً يعني
مااقدر احدد التاريخ بالضبط
بعد ماتم الطلب تم تأكيد ارسال الشحنه
المشكله انهم ماارسلوا لي اي تراك بعد الشحن ولا اي شي علشان اتتبعه
راسلتهم بخصوص هالشي وتأخرو حيل بالرد علي
وردهم كان ان انتظري ٦ اسابيع اذا ماوصلت ارسلي لنا
وطبعا انتظرتهم لين وصلت شهرين ورديت راسلتهم
وردو علي انه شيكي على البريد اذا ماوصلك ف راح نرد رنرسل لك الشحنه
او نرجع لك فلوسك ، وبعدها راسلت البريدالعادي وبعد معاناه لقيت الصندوق اللي وصل >ـ<
بعد ثلاث شهور من الانتظار ، شي يقهر :(
مستوى الجودة:
المنتجات والتغليف كلهم سليمين والارواج المطلوبه تجنن الوانها وماعليها كلام من هالناحيه
بس المشكله في سوء التواصل معاهم وتتبع الشحنات
ملاحظاتي ورأيي الشخصي:
- المشكله من الطرفين اولا من لايم كرايم وانهم مستخدمين شحن عادي !!
ثانيا ماارسلو لي اي تراك نمبر علشان اتتبعه واتطمن عالشحنه وهالشي اللي زعلني حيل
وثالثاً ايضا من بريد قطر انهم ماتواصلوا معي ولا حاولو يوصلون لي الصندوق ، اقل شي اتصال : /
- للاسف مااظن اني راح اكرر تجربتي معاهم ، وغلطه مني اني ماشفت اراء الناس اللي اشترت من موقعهم
لاني بعد مااشتريت لقيت شكثر ناس ماتمدحهم : / وان الموقع تهكر ورجعوه :(
لذلك نصيحه قبل لا تبادرون في التسوق من اي موقع ، اقرو عنه ولا تغامرون مثلي
وشكرا :**
