الطلب من kikki-k

السلام عليكم ورحمة الله وبركاته

راح اتكلم عن الموقع الاسترالي الجميل وتجربتي معاهم

 

عندهم اشياء كيووت وجميييله جدا للمكتب والتدوين والمخططات

للي يحب هالشغلات راح ينهبل على اغراضهم :"

المهم ان عندهم خدمة الشحن عالمياً ، وكان وقتها مسوين سيل للكريسميس

 فقلت اجرب واشوف ، وكتجربه اولى ماحبيت اطلب كثير ، ولو ان اغراضهم تفتن :"(

المنتج : 

وقع الاختيار علي هالبلانر الجميييل واللي لونه يجنن :""

من زمان وانا ادور على هالمخططات ولا لقيت عندنا في قطر

هالموقع يبيعها لك مع الاكسسوارات بعد والتزيين وكذا :" جميله

القيمة : 

اخذت منه اثنين وكانت القيمه لكل بلانر 55.97 $ الآن نزل سعره إلى 39$ :"(

هنا بالفاتوره واضح سعر البلانر مع الشحن ، اخترت الشحن السريع من 3-5 ايام

كان الدفع عن طريق ال paypal وهالطريقه جدا امنه للشراء عبر الانترنت

 تم الدفع وكل شي سريع ، وارسلوا لي الفاتوره و بس المشكله انهم ماعطوني اي رقم لتتبع الشحنه!!!!

مدة التوصيل : 

طلبت تاريخ 1/1/2015

وبما انهم ماعطوني رقم لتتبع الشحنه ، حسيت اني ضعت ماعرفت شلون اعرف وينها ووين وصلت !

وبعدها ب ٦ ايام شفت ماوصلني شي وراسلتهم على ايميل الاستفسارات  info@kikki-k.com  اكثر من رساله 

وماجاني اي رد منهم ، وبعدها راسلت ايميلهم الثاني create@kikki-k.com  وطلبوا مني البيانات

وبعدها قالوا ان هالبيانات مو تبعهم تبع الشحن الدولي ولازم اتواصل مع الايميل اللي خدمة العملاء 

وانهم راح يردون علي خلال يوم او يومين >ـ< وبعدها ب ٤ ايام ردو علي خدمة العملاء بهالرساله 

يطلبون مني بياناتي:

وبعد ماارسلت لي ارسلوا لي رقم التتبع للشحنه : / 

وهذا التتبع للشحنه:

واضح متى طلبت بتاريخ 1/1/2015

وشحنوها لي تاريخ 6/1/2015

وصلت لي بتاريخ 10/1/2015

وصلت لي الشحنه على البريد الممتاز العادي

مستوى الجوده : 

  جودة المنتج جداص ممتازه وبالضبط نفس ماهو معروض في الموقع ومو ناقص منه شي

التغليف للصندوق ممتاز ومحافظين على الاغراض ومحتواياتها بشكل جميل 

ملاحظاتي السلبيه والإيجابيه ورأيي الشخصي :

السلبيه :

اولاً: خدمة العملاء عندهم سيئه جدا جدا جدا ،

ثانياً: مافي اي معلومات تفيدني في تتبع الشحنه من اول مااطلب وهالشي ضيعني :(

ثالثاً: التأخيييييير في الشحن ، هذا وانا مختاره  الشحن السريع ودافعه مبلغ زياده :/ !

الايجابيه:

التغليف والمنتج مثل ماقلت فوق ممتازين وماعليهم كلام

بس زعلني حيل التأخير بالرد والشحن :( ، احس ماعندهم اهتمام للشحن الدولي 

المفروض يرسلون لي كل المعلومات من قبل لا اطلبها ، كانت هذه تجربه واحتمال اكررها واحتمال لا :/

لان اللي صار يخلي الواحد على اعصابه ومو مرتاح معاهم